[ مكرونة بالمشروم والصوص الابيض (إسباجتى ألفونجى) للشيف محمد فوزى - Princess in my house مكرونة بالمشروم والصوص الابيض (إسباجتى ألفونجى) للشيف محمد فوزى - Princess in my house

728x90 شفرة ادسنس

مكرونة بالمشروم والصوص الابيض (إسباجتى ألفونجى) للشيف محمد فوزى


مكرونة بالمشروم والصوص الابيض (إسباجتى ألفونجى) للشيف محمد فوزى 

 طبعا احنا اكتر اكلاتنا المكرونة فلازم ننوع فيها ونجدد

والاطفال بيحبوها جدا وانا عن نفسى هموت على طبق من المكرونة ويبقى فيها مشروم ممممممممم



المقادير:


  • ¼ كيلو مكرونة اسباجتى
  • 100 جم مشروم
  • ½ فنجان زيتون اخضر
  • كوب وربع كريمة لبانى
  • 2 ملعقة بصل مفروم
  • زيت زيتون – ملعقة زبدة ( الاتنان مع بعض فى حدود ملعقة ونصف او ملعقة )
  • ملح – فلفل – زعتر



طريقة التحضير:

  • بنسلق المكرونة فى ماء وملح مدة لا تزيد عن 7 دقائق لية لاننا هنضعها على النار مرة اخرى مع الصوص فمش عايزنها تعجن معانا والمكرونة بعد ما نسلقها المدة الى اتفقنا عليها ممكن نلاقيها لازقة فى بعضها منخافش هى هتفك لوحدها لما تنزل فى الصوص.

  • نيجى بقى نعمل الصوص نضع فى طاسة على النار تلات تربع ملعقة زيت زيتون ونضع تلات تربع ملعقة زبدة ونضع عليهم البصل المفروم  ونقلب.

  • نقوم بتقطيع المشروم الفريش ونقطعة كبير مش صغير ثم نضعة على البصل المفروم بعد ما يدبل البصل معايا.

  • المشروم الفريش بيعطى طعم رائع عن المشروم المجمد او الى فى العلب لانة بيختلف فى التيست ولكن البروتين الذى يوجد بة لا يتأثر.

  • نضع على المشروم والبصل المفروم كمية الزيتون الاخضر ونقلب عند وضع الزيتون فى اى شىء لازم ابقى حذر جدا فى وضع الملح لان الزيتون يوجد بة نسبة ملح فيجب المعادلة ما بينهم . 

  • نضع عليهم الفلفل الاسمر والملح والزعتروالزعتر يعطى نكهة جميلة جدا ونضع كمية الكريمة اللبانى.

  • واول ما تغلى معايا الكريمة نضع عليها المكرونة المسلوقة ونقلب مجرد انها بتغلى هتكون معايا صوص لاننا مغسلناش المكرونة فالنشا الى فى المكرونة هيربط معانا الصوص فمش هنحتاج دقيق لربط الصوص.

  • نحضر طبق التقديم ونضع بة المكرونة بصوص الكريمة البيضة ويمكن وضع جبنة برميزان او رومى على الوجه وبالهنا والشفا.
  • تعليقات بلوجر
  • تعليقات الفيس بوك
Item Reviewed: مكرونة بالمشروم والصوص الابيض (إسباجتى ألفونجى) للشيف محمد فوزى Rating: 5 Reviewed By: Marwa sayed
Scroll to Top